“Family is not an important thing. It is everything”-
Michael J. Fox. Raya ro sambilog nga haeambaeon para sa atong
mga mapinalanggaon ag mabout nga pamilya. Kaya kang batunon kung ano ka man o
sin-o ka pa. May ging ubra ka man nga saea o owa. Kaya nandang batunon kung ano
ro ugali nga may una ka biskin nga ginahikawan ka it iba. Pero paano kung
sambilog sa atong pamilya hay may ging ubra nga owa naton nailaan? Kaya pa baea
naton imaw mapatawad? Ina gihapon baea ropaghigugma sa pihak nga mga hitabu?
Dikara ibhi ninyo ako sang bahin kung siin masayran
naton do naeksperensya it sangka estudyante ag anang nga magueang ko sanda hay
mga unga pa. Ro estudyante hay itago naton sa pangaeang “Imboy” ag si “Bebe”
mat-a ro anang nga magueang. Pito sandang magmaeanghod sa andang pamilya. Si
Imboy panglima ag si Bebe ro pangaywa. Ro andang tatay hay ga-ilinom kaya bukon
sanda it masyadong kana. Pero ro adlaw hay umabot nga may ging-ubra nga bokun
it manami si tatay nanda. Raya hay ro pagkasunog it andang nga baeay.
“Sa eskwelahan abi ako it mga oras nga natabu ro
sunog,” sugid ni Imboy “Ako man hay sa among kaeapit-baeay namon kato,” dugang
pa ni Bebe. “Mayad eang dahil owa it nadamay sa sunog dahil bukon man ikit-ikit
kato ro mga panimaeay dati,“ hambae pa gid ni Imboy. “Ag madali man
naapula ro sunog dahil sa pagbueoligay it mga tawo,” sabat pa gidni Bebe.
Sandominggo matapos ro hitabu, sanda hay naghalin
it gin-estaran. Si Imboy man hay nagpundo anay it pag-eskuyla dahil maeayo eon
do andang bag-ong eskwelahan sa andang gina-estaran. Mga unga pa kami kato kaya
owa lang namon gina paminsar do natabu,” sugid pa gid ni Bebe.
Pero sayod nanda sa andang tagipusuon indi
maiwasang makabatyag it paghimumuot dahil sa natabu - nga indi madaling
malipatan do tanan. Pero ro dinag-on hay ga lipas man. Do mga hitabu dati hay
amat-amat nga ginakalipatan sa paminsaron nanda ag sa pihak it tanan nga
nahitabu, dag-on ro nakalipas, sanda gihapon hay isaeang ka pamilya. Ginbatun
ro kasae-anan it isaea.
Makara sanda hay padayon sa
andang pangabuhi kaibahan ro andang tatay nga gin-batun nanda bug-os sa andang
tagi-pusuon. “Bukon man kita hay may perpekto nga pamilya pero kung kita may
pagbatun sa andang mga bukon it manaming nahaubra dati indi mawari nga kita hay
maging mapag-on sa ulihi ag manami sa pamatyagan nga sanda hay atong kaibahan,”
mensahe ni Imboy sa tanan.
x
